من طرف PROCESS الأربعاء يوليو 22, 2009 11:44 pmمره في محشش طق براسه الا يبي يأجر البيت المهجور الي بفريجهم ،، لكن ما نصحوه الناس لانه فيه جني يخوف
بس ما سمع كلامهم واستأجره وسكن فيه
في أول يوم
حل الليل عليه واختفى نور القمر من غيمه سوده وبدى البرق والرعد والامطار يقصفون عليه .. قام رئيس الجن و قال حق ربعه: انا طالع أخرعه وراد لكم
طلع الجني و قعد يم المحشش وقاله : ممكن سيجاره
؟
شافه المحشش وقال: تفضل
نزل الجني عند ربعه وهو معصب وقالهم: الزفت الي عندنا ما خاف
رجع الجني نتف نفسه وخلى الدم يتنثر من جلده و طلع مره ثانيه عند المحشش
وقاله: ممكن سيجاره
؟
شافه المحشش وقاله: تفضل
استخف الجني ونزل عند ربعه وقالهم: هالمره بموته من الخوف .... قام
شال عيونه و لف راسه وكسر ايده وطلع عند المحشش و قاله: ممكن سيجاره
؟
شافه المحشش وقاله: تفضل
اهني الجني طلعت في راسه نخله وطار عقله ونزل تحت ولعب في نفسه لعب
وطلع العامود الفقري وخلى جلده مشرح وقلب عيونه وطلع عند المحشش
مره ثانيه وقاله: ممكن سيجاره
؟
شافه المحشش باستغراب وقاله :
.
.
.
.
ما تلاحظ أن التدخين قاعد يدمر مستقبلك
